Trade Winds
თემატური გუნდური მოლაპარაკებისა და ვაჭრობის თამაში
შესახებ
ეს არის მეკობრეების თემატიკის თამაშობა, რომელიც საოცრად სახალისო, სწრაფი და ჩამთრევია და მოითხოვს მოლაპარაკების, ინფორმაციის შეგროვებისა და საკონტაქტო ქსელის გაფართოების უნარებს. თითოეული გუნდი განასახიერებს მეკობრეების გემის ეკიპაჟს, რომელიც ნაალაფარით ხელდამშვენებელი ცხადდება სავაჭროდ. მათი მიზანია განძის დაგროვება პორტში მოქმედ სხვა ვაჭრებთან კარგი ურთიერთობების დამყარების მეშვეობით და ამავე დროს საჭირო საბაზრო ინფორმაციის მოპოვება, ხრიკებისა და მზაკვრობის გამოყენებით. „ვაჭრობა მეკობრეებთან“ არის საოცრად მრავალმხრივი თამაში. იგი ახერხებს მონაწილეების სრული ყურადღების მიპყრობას დაწყებისთანავე და ძალდაუტანებლად ქმნის დამაინტერესებელ ატმოსფეროს. ხმლები, თვალის ასახვევები და ბენდენები კიდევ უფრო ამძაფრებენ ამ შეგრძნებებს, თუმცა ეს თამაში გაცილებით მეტია ვიდრე მხოლოდ გართობა! თამაშის მთავარი ხრიკი გახლავთ კლიენტებთან ურთიერთობებში ნდობის გაღვივება და დანერგვა, ხოლო ის ხერხი, რომლითაც გუნდები მოახერხებენ ამის მიღწევას, ხდება მათი წარმატების გასაღები.
სწავლების შედეგები
ჩქარი ტემპის საზრიანი აქტივობა, რომლის მონაწილეებიც მოლაპარაკებებს აწარმოებენ და ვაჭრობას ეწევიან, რათა მაქსიმალურად გაზარდონ მოგება. მიუხედავად იმისა, რომ ეს თამაში საკმაო კონკურენტუნარიანობას მოითხოვს გუნდებისაგან - უდიდეს წარმატებას აღწევენ ისინი, რომლებიც სხვებთან თანამშრომლობით ცდილობენ ორმხრივი სარგებლის მიღწევას და ამასთან არ ივიწყებენ თავიანთ დასახულ მიზნებსაც. აქტივობის შემდგომი განხილვის დროს ხდება მომგებიანი სტრატეგიების გაზიარება და მიღებული სასარგებლო ცოდნის გამოყენების დაგეგმვა სამუშაო პროცესში.
